കേരളത്തില്‍ കാണ്‍ഗ്രസിനെ എതിര്‍ക്കാന്‍ ബി.ജെ.പിയും ആര്‍.എസ്.എസും തയ്യാറല്ല. ബി.ജെ.പിയെ എതിര്‍ക്കാന്‍ കോണ്‍ഗ്രസും. മറ്റെല്ലാ സംസ്ഥാനത്തും കേന്ദ്രത്തിലും ശക്തമായി പോരടിച്ചുകൊണ്ടിരിക്കുമ്പോള്‍ കേരളത്തിലെന്താണ് ഇത്തരം ഒരു നിലപാടെന്നും അദ്ദേഹം ചോദിച്ചു.
ഇടതുപക്ഷ ഗവണ്‍മെന്റിനെതിരേ കിട്ടാവുന്ന എല്ലാ അവസരങ്ങളും ഉപയോഗിച്ചുള്ള ആക്രമണതന്ത്രമാണ് കോണ്‍ഗ്രസും ബി.ജെ.പിയും അഴിച്ചുവിട്ടിരിക്കുന്നത്. മറ്റ് സംസ്ഥാനങ്ങളിലും കേന്ദ്രത്തിലും പോരടിച്ചുകൊണ്ടിരിക്കുന്ന കോണ്‍ഗ്രസും ബി.ജെ.പിയും കേരളത്തില്‍ ഒരേ മനസോടെ പ്രവര്‍ത്തിക്കുന്ന കാഴ്ചയാണ് കാണുന്നത്. ബി.ജെ.പിയുടെ സംസ്ഥാന പ്രസിഡന്റ് രാവിലെ നടത്തുന്ന പ്രസ്താവന ഉച്ചക്ക് ശേഷം നടത്തുന്ന പത്രസമ്മേളനത്തില്‍ പ്രതിപക്ഷ നേതാവ് ഏറ്റുപറയുന്ന അവസ്ഥയാണെന്നും അദ്ദേഹം വ്യക്തമാക്കി.
0 Comments