മലപ്പുറം: നിലമ്പൂരിലെ കാട്ടില്‍ നിന്ന് അനധികൃതമായി സ്വര്‍ണം അരിച്ചെടുക്കാന്‍ ശ്രമിച്ച മൂന്നുപേരെ വനപാലകര്‍ അറസ്റ്റ് ചെയ്തു. മരുത കൂട്ടില്‍പാറ ചോലകത്ത് റഷീദ് (48), കൊടക്കാടന്‍ ഹാരിസ് (39), വയലിക്കട സുധീഷ് കുമാര്‍ എന്ന റുവൈദ് (48) എന്നിവരാണ് പിടിയിലായത്.
മരുത മണ്ണുച്ചീനി ഉള്‍വനത്തില്‍ കേരള- തമിഴ്നാട് അതിര്‍ത്തിയോട് ചേര്‍ന്ന് പാറ പൊട്ടിച്ച് സ്വര്‍ണം അരിച്ചെടുക്കാന്‍ ശ്രമിക്കുന്നതിനിടെയാണ് ഇവര്‍ വഴിക്കടവ് റേഞ്ച് ഓഫീസര്‍ മുഹമ്മദ് നിഷാല്‍ പുളിക്കലിന്റെ പിടിയിലായത്.
നെല്ലിക്കുത്ത് ഡെപ്യൂട്ടി റേഞ്ച് ഫോറസ്റ്റ് ഓഫീസര്‍ പി.എഫ്. ജോണ്‍സണ്‍, എസ്.എഫ്.ഒമാരായ ശിവദാസന്‍ കിഴക്കേപ്പാട്ട്, എം. വല്‍സലന്‍, ബി.എഫ്.ഒമാരായ പി.എന്‍. ശ്രീജന്‍, ഇ.എസ്. സുധീഷ്, പി. മുഹമ്മദ് ഫൈസല്‍, ഡി. വിനോദ്, അബ്ദുല്‍ കാസിം തോട്ടോളി, പി. ശ്രീനാഥ്, അമൃത രഘുനാഥ് എന്നിവരാണ് വനപാലക സംഘത്തിലുണ്ടായിരുന്നത്.
0 Comments